உலகம் முழுவதும் கொரோனா நோய்க்கிருமித் தொற்று பரவிக்கொண்டிருக்கும் நிலையினைத் தொடர்ந்து - நாட்டில் உணவு உற்பத்தியை விரைவுபடுத்தும் திட்டத்தை அரசாங்கம் தொடங்கியுள்ளது.
"செழிப்புமிக்க வீட்டுத் தோட்டம்" எனப்படும் இத் திட்டத்திற்கு அமைவாக (2020.05.07) அன்று புன்னாலைக் கட்டுவன் வடக்கு ஸ்ரீதுர்க்கா வளாகத்தில் "செழிப்புமிக்க வீட்டுத் தோட்டம்" திட்டம் சமூக ஆர்வலர் இரத்தினசிங்கம் கெங்காதரன் அவர்களால் ஆரம்பித்து வைக்கப்பட்டது!
இந் நிகழ்வில் பிரிவின் கிராம அலுவலர் திரு.ந.நவசாந்தன் கிராம அலுவலர் திரு.சு.சிவராமன் சமுர்த்தி அபிவிருத்தி உத்தியோகத்தர், உப தபால் நிலைய தபால் அதிபர், ஸ்ரீதுர்க்கா சனசமூக நிலைய தலைவர் திரு.இ.விஷ்ணுரஞ்சன், உப தலைவர் திரு.வசீகரன் சனசமூக நிலைய முக்கிய உறுப்பினர் திரு.பாலசிங்கம் உட்பட கிராம மட்ட அமைப்புக்களின் பிரதிநிதிகளும் கலந்துகொண்டனர்.
இத் திட்டம் ஸ்ரீதுர்க்கா வளாகத்திலுள்ள அனைத்து அலுவலகங்களின் அலுவலர்களின் பங்களிப்புடனும் இன்று ஆரம்பிக்கப்பட்டுள்ளது. இந்த திட்டம் வெற்றியளிப்பதன் மூலம் கிராமத்தில் பல வீட்டுத் தோட்டங்களை உருவாக்க உதவி வழங்கவுள்ளதாகவும் சமூக ஆர்வலர் கெங்காதரன் அவர்கள் தெரிவித்தார்.
அத்தோடு வீட்டுத் தோட்டம் செய்வதற்குத் தேவையான ஆலோசனைகளையும், வீட்டுத் தோட்டத்திற்குத் தேவையான விதைகள், உரங்கள் மற்றும் தாவரங்களைப் பெற்றுக்கொள்ள உறுதுணை புரிவதாகவும் தெரிவித்துள்ளார்.
தகவல்- ஈவினை ஹரி.
No comments:
Post a Comment